Isang konsehal sa lungsod ng Cebu ang nagmamakaawang humingi ng tulong sa national government para matugunan ang dumadaming kaso ng mga nagpopositibo sa sakit na CoVid19 sa kanilang lugar.

Sa panayam ng Damdaming Bayan ni Deo Macalma kay konsehal Dave Tumulak, sinabi nito na kulang ang Cebu City ng mga health worker, punuan na ang mga ospital at kakarampot at hindi sapat ang natatanggap nilang mga bakuna.

Hinaing rin ng konsehal na pilit diumanong itinatago ng Department of Health ang tunay na sitwasyon sa Cebu City, sa harap ng patuloy na paglala at pagtaas ng bilang ng mga nagpopositibo sa sakit na CoVid19.